کارگیل میں حجۃ الاسلام جواد حبیب کا تعلیمی و ثقافتی دورہ

کارگیل (۴ تا ۱۱ جون ۲۰۲۵) — حجۃ الاسلام والمسلمین جواد حبیب نے ایک ہفتے کے تعلیمی و ثقافتی دورہ کے دوران مختلف مدارس، دینی مراکز اور علمی اداروں کا معائنہ کیا اور مقامی علما و دانشوروں سے ملاقاتیں کیں۔

انہوں نے کارگیل میں امام خمینیؒ کی برسی کی متعدد تقریبات میں شرکت کی اور امتِ اسلامی کی بیداری اور امامؒ کے افکار کی اہمیت پر خطابات کیے۔ اس موقع پر امام خمینیؒ میموریل ٹرسٹ، جمعیت العلماء، انجمن صاحب الزمانؑ، انجمن انقلاب مہدیؑ اور مرکز تبلیغات امام رضاؑ جیسے اداروں کے ساتھ تعلقات کو مزید فروغ دیا گیا۔

اس سفر کے دوران انہوں نے اقراء پبلک اسکول، نون کن پبلک اسکول، مدارس شہید مطہری اور دیگر مکاتب و دارالقرآنز کا بھی دورہ کیا اور طلبہ و اساتذہ سے ملاقاتیں کیں۔

اس دورہ میں ان کے ہمراہ پروفیسر محمد حسن، کونسلر جناب منظور حسین، جناب سید جمال موسوی اور پروفیسر محمد علی بھی شریک تھے، جنہوں نے جلسات میں قیمتی تجاویز پیش کیں اور پُرمغز تقاریر کیں۔